Thursday, July 14, 2011

تفاصيل إعتداء بشع لامناء شرطة قسم السويس على 5 معتصمين مضربين عن الطعام

الأربعاء 14 يوليو – 5:26م

  
سريعاً هسرد تفاصيل إعتداء على 5 شباب من اللي معتصمين قصاد المحافظة مضربين عن الطعام من  امناء شرطة خنازير مجاملة لأمين شرطة قذر تاني, التفاصيل كلها اخدتها من شهود عيان و من المصابين نفسهم, و في اخر التدوينة في فيديو لشهادة عمرو على الكحكي( 20 سنة – طالب و واحد من المصابين في الإعتداء)  على كل اللي حصل و فيه بيقول كل كلامي بالإضافة لشهادة ناس من المستشفى و مصابين اخرين

إمبارح الفجر حصلت حالة إغماء وسط  إعتصام المضربين عن الطعام قصاد مبنى محافظة السويس و الشباب راحوا المستشفى العام عشان يعملوا إثبات حالة, امين الشرطة اللي كان هناك قاعد بيتكلم في الموبايل و مطنشلهم و واحد من الشباب فضل يقوله "يا باشا" لحد ما امين الشرطة رد عليه و شتمه بالأم, الشاب اكيد رد فعله رد الشتيمة و الموضوع قلب بخناقة بس تم لمها بسرعة و إتفضت و مشيوا من المستشفى.
وهما في الطريق لقوا 5 وراهم (2 شرطة عسكرية و 2 بيقولوا على نفسهم عساكر مخابرات و واحد مدني) بيقولولهم ده امين الشرطة عمل فيكم محضر و تعالوا معانا قسم السويس نعمل تصالح, الشباب راحوا معاهم و هنا حصل الغدر بيهم, امناء شرطة كتير إتلموا عليهم اول ما وصلوا و نزلوا فيهم ضرب!  
عمرو بيحكي ان جوا إتشد عليهم اجزاء سلاح, و إتشتموا بالأهل و بالدين(غير طبعاً الشتيمة في الثورة و في السويس بالذات لأنهم مش من هنا), و إتضربوا بالإيدين و الرجلين و إتطفا في اجسامهم سجاير !  (الصور في اخر التدوينة) و  امناء الشرطة كانوا متراهنين مع بعض, الأقسام بقوا بيتصلوا ببعض و يقولوا (على لسان عمرو  و هو بيحكي) "انتوا بتوع قسم فيصل و انتوا بتوع قسم الموشي إحنا اللي كسبنا الرهان إحنا ضربناهم!

الشباب دول شافوا الذل و إعلامنا القذر لسه برضه بيقول تعدي على امين شرطة, و اننا بلطجية و غيره و غيره.. طيب لو إحنا بلطجية, امناء الشرطة دول يبقوا ايه؟!




فيديو شهادة عمرو الكحكي 




تحذير: من بعد شهادة عمرو على اللي حصل و بعد ما يوقف كلام الفيديو فيه لغة البعض ممكن يلاقيها غير مناسبة, الشباب بيحكوا بالظبط امناء الشرطة كانوا بيقولولهم ايه! ف لو هيضايقك الكلام ده بطل تتفرج من 2:33  لــ  



 صورة من نسخة من التقارير الطبية الرسمية لـ 3 من الشباب المعتدى عليهم ( اضطريت امشي من المستشفى قبل ما يخلصوا الرابع و الخامس), كدمات و حروق!
كليك عالصور عشان تشوفها اكبر



صور اثار الضرب و التعذيب على  وش وجسم عمرو





حرق سجائر على ايد محمود (معتصم تاني)
وفي شابين معرفتش اصور اثار الضرب على ضهرهم, كانوا نايمين مرهقين, الصور موجودة في الفيديو ده اخدته من ناس كانوا هناك من الصبح


بالمناسبة متمش الإفراج عنهم غير بعد ما ناس كتير إحتشدوا حوالين القسم و تم التهديد بحرقه,   و خرجوا من غير محافظهم بكل اللي فيها و من غير موبايلاتهم و اي حاجة معاهم, و على فكرة لو كنا حرقناه و هو فعلاً يستاهل الحرق باللي فيه, كان إتقال علينا بلطجية تاني, و اللي برضه بالمناسبة موظفة إستقبال و علاقات عامة بالمستشفى العام (بميت راجل هي, مازعلهاش حاجة قد الكلام اللي إتقال على ستات و رجالة السويس) قالتلي انهم وقت الثورة كانوا محتاجين اي حد ليه اي خبرة في الإسعاف, و بالتالي هي شهدت جثامين شهداء السويس كلهم, و بتحلفلي ان مافيهم بلطجي ولا واحد كان رايح يسرق او ينهب.
واقولها تاني اخر مرة, لو إحنا بلطجية و بنتظاهر بطريقة غير سلمية, الداخلية تبقى ايه؟!ا



6 comments:

  1. ترك الشرطة على هذا الحال هو ما يؤدي الى الفوضى . لابد من انشاء هيئة مستقلة للرقابة على الشرطة مع منحها جميع الصلاحيات للتفتيش و توقيع الجزاءات التي تصل الى الطرد من الخدمة لمن يثبت قيامه باي انتهاكات لحقوق الانسان على ان تتكون من حقوقيين مستقلين

    ReplyDelete
  2. إقتراح ماسمعتش احسن منه chapeau!

    ReplyDelete
  3. There must be a very serious and persistent intervention to first redraw the national policy for the police to reorient this important body to SERVE AND PROTECT THE CITIZENS, and NOT to torture and punish them! Second, the personnel in the police forces MUST go through a rehab probram to undo the damage. To some extent, they are also victims of very wrong policies!

    ReplyDelete
  4. _______
    تعمل الشركة بافضل الطرق والاساليب شركة تسليك مجاري بالرياض الحديثة علي ايدي افضل العاملين والمتخصصين في هذا المجال حيث تملك الشركة طاقم عمل مدرب علي اعلي مستوي علي ايدي امهر الخبراء شركة تنظيف مسابح بالرياض والفنيين حيث لاتتواجد هذه المواد الا داخل شركتنا فقط وهذه واحده من اهم ما يميز شركة تسليك مجاري بالرياض عن غيرها من باقي شركة تسليك مجاري بابها الشركاتالاخرى المنافسة كما يوجد لدي الشركة
    6_____________________________________

    شركة نقل اثاث بالرياض تعد شركة الشعلة من افضل شركات نقل الاثاث في الرياض فنحن نعتمد على افضل طاقم عمل مخصص للقيام باعمال التغليف لان التغليف من اهم مراحل نقل الاثاث شركة تخزين اثاث بالرياض حتى لايظهر بالاثاث اى عيب بعد ذلك من الالتواء او الكسر كما اننا نعتمد على افضل السيارات المتخصصه والمجهزه فى القيام باعمال النقل على الفور الى اى مكان شركة نقل اثاث بخميس مشيط وابها سواء فى الرياض او خارج الرياض كل ذلك فى مقابل ارخص الاسعار شركة نقل اثاث من الرياض الي عمان

    ReplyDelete